Die eerste kruiswoord: Vader, vergeef hulle, want hulle weet nie wat hulle doen nie.
Lees: Lukas 23:32-38
- Saam met Jesus is twee misdadigers gekruisig. Hulle het Christus verneder as Koning van die misdadigers. Wat is die betekenis hiervan as dit in die lig van Jesaja 53:9-12 gelees word?
- In vers 34 hoor ons die Here Jesus se eerste woorde aan die kruis. Dit is ‘n gebed: Vader, vergeef hulle, want hulle weet nie wat hulle doen nie. Vir wie bid Jesus hier? Vergelyk ook met Mattheus 5:44 en Handelinge 7:60.
- Sou Pilatus en Herodus en al die mense daar teenwoordig dit gedoen het as hulle geweet het wat hulle doen? (1 Korintiërs 2:8)
- Wat beteken hierdie kruiswoord van ons Here Jesus vir jou vandag?
- Hoe hanteer jy mense rondom jou– wat nie weet wat hulle doen nie?
- Watter belofte van die Here word aan ons in hierdie gedeelte verkondig?
- Watter eis word hier aan ons as gelowige kinders van die Here gestel? Ons kan immers nie agter onkunde skuil nie?