Die kerk is God se geroepenes. Die woord wat in die Bybel aanvanklik gebruik is vir kerk (ekklesia) beteken letterlik: ‘uitgeroeptes’.
Paulus herinner nou hierdie gemeente in Korinte dat hulle letterlik uit die donkerte van afgodery ‘uitgeroep’ is, na die lig van God se evangelie en dat hulle veronderstel is om lig en sout te wees in hulle gemeenskap.
Elkeen is verplig om by hierdie uitgeroepte gemeenskap van gelowiges aan te sluit; om die bediening van God se Woord ywerig op te soek en hul gawes gewilliglik onder die heerskappy van die Koning te stel.
My verhouding met God, plaas my dadelik in ‘n belangrike verband met ander geroepenes – ons noem dit die gemeenskap van heiliges wat saam dieselfde doel voor oë het: Om hul Vader te behaag en te verheerlik.
Maar belangrik: in die naam is terselftertyd die roeping van die kerk beliggaam:
>Om getuie te wees van die enigste waarheid.
>Om die wysheid van God aan die wêreld bekend te maak.
> Om vlekkeloos en heilig voor die Koning te lewe.
Diegene wat God tot heiligheid roep, kan nie anders as om Hom in geloof aan te roep nie!
En hierdie kerk staan of val by die fondasie van die belydenis van Christus, Hy alleen is die Here. En so kan die kerk alleen ware kerk wees indien sy God se roeping in Christus gehoorsaam.
| Ontmoetingsdiens | 1. Votum en Seëngroet | |
| 2. Psalm 92:1 en 2 | ||
| Versoenings-en verootmoedigingsdiens | ||
| 6. Gebed om die verligting van die Gees (Epiklese) | ||
| Woorddiens | ||
| 7. Psalm 24:1 en 4 | ||
| 8. Skriflesing | 1 Korintiërs 1:1-9 | |
| 9. Belydenis | ||
| 10. Fokusverse | 1 Korintiërs 1:2 | |
| 11. Psalm 43:3 en 4 | ||
| Liturgiese formuliere (Doop/Nagmaal/Bevestiging ens) | 12. | |
| Antwoorddiens | ||
| 13. | ||
| 13. Gebed | ||
| Kollekte | ||
| 14. Psalm 150:1 en 3 | ||
| 15. Wegstuurseën | ||