Tema: Die liefde van Jesus laat ons volhard!
Hoe lief het jy die Here werklik? Dis ’n vraag wat sny tot op die been. Petrus het ook gedink hy het die Here genoeg lief—selfs tot die dood. Maar in die binnehof het hy Hom verloën. Drie keer. En toe breek hy.
Petrus se probleem was nie dat hy die Here nie liefgehad het nie. Inteendeel—hy het Hom innig liefgehad. Maar sy liefde was gebroke, swak, menslik. Toe hy dit besef, val alles vir hom inmekaar. Hy gaan terug na sy ou lewe—hy gaan visvang.
Nie om Petrus te verneder nie—maar om hom te herstel.
Petrus durf nie meer groot praat nie. Hy antwoord nederig:
“Here, U weet dat ek U liefhet.” Hy weet sy liefde is nie genoeg nie.
Hy weet van sy val.
En tog—dit is juis daar waar die evangelie helder skyn.
Dit gaan nie uiteindelik oor Petrus se liefde vir Christus nie, maar oor Christus se liefde vir Petrus. Dis waarom Jesus hom weer roep: “Laat my lammers wei.” Nie omdat Petrus sterk is nie, maar omdat Christus getrou is.
Christus het gesterf. Christus het opgestaan. Christus hou vas.
Daarom kan Petrus weer opstaan. Daarom kan hy volhard—selfs tot die dood.
En dit geld ook vir ons. Ons liefde is gebroke. Ons faal. Ons val. Maar Christus se liefde faal nooit.
Die vraag is dus nie eers: Het ek Hom lief genoeg nie?
Maar: Glo ek dat Hy my liefhet—genoeg?
Daar begin alles. En daaruit groei ons liefde.