Nadat Dawid Uria, die man van Batseba vermoor het, het Batseba sy vrou geword. Dawid het houtgerus aangegaan met sy lewe- asof niks gebeur het nie. Dit is op hierdie punt wat God dan die profeet Natan na hom stuur.
Natan vertel vir Dawid ‘n verhaal, die bekende verhaal van die arm man met die ooilammertjie wat deur die ryk man geslag en vir sy gas voorberei het. As Dawid dan kwaad word en uitroep dat die man wat só iets
kan aanvang, moet sterf – word hy gekonfronteer met sekerklik die hartseertste woorde in die Skrif: “U is die man!” Die Here het vir Natan gestuur om ‘n spieël voor Dawid op te hou om die waarheid uit te roep- dat sy sonde ‘n daad van gruwelike rebellie voor God was.
En omdat God heilig is, omdat sonde die mens aan die heiligheid van God laat vergryp, haat Hy dit. Dit word eintlik dan erger vir Dawid as God deur Natan hom herinner aan die wonderlike pad wat Hy reeds met hom gestap het – hy is as koning gesalf, hy is deur magtige dade en wonders uit die kloue van Saul gered en hy nog meer wou hê, sou die Here dit ook aan Hom gee.
Weer is ons terug by die sondeval: Dit wat God aan ons bied, alles – sonder voorbehoud; dit is nie genoeg nie. Boonop maak dit die Here dan bespotlik omdat die heidene aanleiding gee om Hom te belaster.
Ons leer vandag:
1. God eis bekering van die sonde
2. God skenk in sy genade vergifnis aan sy kinders.