Lukas 5:17-26
Lukas 19:1-10
HK Sondag 5
‘Jesus het vir hom gesê: “Vandag het daar verlossing vir hierdie huis gekom, want ook hy is ‘n seun van Abraham. Die Seun van die Mens het gekom om diegene wat verlore is, te soek en te verlos.”
IN CHRISTUS IS JY EERLIK GERED
Hoe word die geloof opgebou? In die Kategismus word dit stap vir stap beskryf. Dit begin met ‘n pragtige belydenis. Ek behoort aan Christus, ek is deur die Vader aangeneem as kind, en word deur die Heilige Gees in die lewe gelei. Vervolgens word hierdie belydenis al hoe meer verdiep. In die Kategismus is ‘n kind van God aan die woord. Hy stel vrae om meer oor die Here en homself te leer. En deur die antwoorde word die inhoud van die geloof beskryf. Word die effek wat die geloof in jou lewe het verduidelik. Hoe kan ons weer in genade aangeneem word? Die vraag veronderstel al dat God se genade nie vanselfsprekend is nie. Dit is goed om oor die vraag te dink. Ook om dit vir jouself te stel. ‘Hoe kan ons weer in genade aangeneem word?’ En dan nie as ‘n teoretiese vraag nie, maar vanuit die besef dat jy onder God se oordeel is. ‘n Vraag vanuit skuldbesef. ‘n Vraag vanuit die besef van God se regverdigheid. In Sondag 5 is daar twee woorde wat opval. Die een is dat daar betaal moet word. Die ander is genade. Die woord genade is ‘n woord met baie inhoud. Op hierdie sake fokus ons vanaand. Dit gaan oor die onmoontlike moontlikheid, van God se genade. Dit gaan oor die Middelaar van God se genade, Jesus Christus. Oor genade wat jou lewe kleur en glans gee. Dit maak vir jou, wat nie kan betaal nie, vry en skatryk.
Die reg van God
As jy die evangelie vir ‘n eerste keer hoor, dan klink dit nogal vreemd. Dit gaan oor sonde en skuld, oor vrede deur ‘n kruis, oor oordeel en vryspraak deur God, oor betaling en versoening, oor God se Seun wat Homself deur mense laat doodmaak het. En tog is die evangelie die verhaal van God se reg. Agter die reddingsplan van God staan sy geregtigheid. Dit is die rede om mense te red. Daarom gebeur ons verlossing soos wat dit gebeur. Word ‘n verlamde man en ‘n Saggeus gered. ‘God wil dat daar aan sy geregtigheid voldoen word.’
Gered deur ‘n Ander
‘Want so lief het God die wêreld gehad dat Hy sy unieke Seun gegee het, sodat elkeen wat in Hom glo, nie verlore sal gaan nie, maar die ewige lewe sal hê.’ Dit is die hart van God se verlossingsplan. Hy gebruik sy Seun. Hy word die Seun van die mens. Hy kom om die reg te herstel, sodat die liefde van God kan voortgaan. Dit is Jesus Christus wat vir ons skuld betaal. Hy is die Ander wat dit doen. Hy is die Middelaar wat jou ewige straf dra. Elkeen wat deur Jesus Christus verteenwoordig word, is verlos van die oordeel.
Die sekerheid van genade
Deur Jesus Christus is die saak met God weer reg. So word jy weer in genade aangeneem. Ondanks jou agtergrond en lewensverhaal. Want agter jou verlossing lê ‘n regverdige verhaal. Jy is eerlik gered. Deur Jesus Christus, die Verlosser en Middelaar. Ons verteenwoordiger by God. Hy wat deur sy Woord en Gees God se reg aan ons openbaar.