Prediker: Ds. Jan-Louis Lee | Kerk: GK Waterkloofrand | Datum: 27 September 2026 om 17:30 | ▶ Kyk op YouTube
Psalm 12 teken ‘n wêreld wat deur en deur deur leuens, vleiery en bedrog gekasty word. Dawid roep dit uit uit die diepte van sy nood: waar is die betroubare mens nog te vinde?
Die samelewing rondom ons blyk deur maghebbers, propagandiste en vals pleitbesorgers oorheers te word. Tog is dit nie die laaste woord nie. Die Here sien die gesug van die behoeftiges en die verdrukking van die armes raak, en Hy gryp in.
Die anker van die gelowige lê nie in veranderde omstandighede of in ‘n skoon politieke landskap nie, maar in die absolute betroubaarheid van God se woorde. Soos silwer in ‘n smeltkroes sewe maal gesuiwer word tot alle onsuiwerheid weggebrand is, so staan die beloftes van onse God vas. Hierdie rein woord het in Christus vlees geword. Hy het die ultieme vuurtoets van die leuen en die dood deurstaan, sonder om te swig, en Hy het die waarheid oorwin.
Daarom word ons as kinders van God geroep om nie die leuen met leuens te beveg nie, maar om standvastig in die waarheid te leef deur die leiding van die Heilige Gees. Ons besef dat ons eie woorde so dikwels wond en breek, maar die genade van Christus reinig ons. God beloof nie noodwendig ‘n lewe vry van fisieke stryd of die afwesigheid van goddeloses rondom ons nie, maar Hy beloof om ons te bewaar sodat ons nie soos die onbetroubares word nie. Op sy woorde kan ons staatmaak, nou en tot in ewigheid.