Lees: 1 Timoteus 2:1-7
- Wat behels dit om ‘n biddende kerk te wees?
- In vers 1 praat Paulus van 4 soorte van gebede – smekinge, gebede, voorbidding en dankgebede. Waarom sou hy die onderskeid gebruik? (Vgl Fil. 4:6 en Ef. 6:18)
- Hoe bid jy vir alle mense? Hoe bid jy vir jou vyande? Hoe bid jy vir die mense wat in ons tyd hoë posisies beklee? Vergelyk ook met Romeine 13:1-5 en Jeremia 29:4-7.
- In vers 1 en in vers 4 word daar na ‘alle mense’ verwys. Wat is die verband tussen die twee verse?
- As God wil dat alle mense gered word, waarom word alle mense dan nie gered nie? (vers 4)
- Wat is die verhouding tussen Christus as Middelaar en ons gebede?
- Waarom plaas Paulus in hierdie gedeelte, waar hy voorskrifte gee oor die gebed, die aandag so doelbewus op die waarheid? (vers 4,7)
- Gebed is die asemhaling van die gelowige. Hoe ervaar jy dit in jou daaglikse geloofslewe?